24 9 сар

Шинээр баригдсан орон сууцны цахилгаан эрчим хүчний борлуулалтыг яаж хүлээлгэн өгөх вэ?

Орон сууцны айл өрхийн цахилгаан эрчим хүчний борлуулалтыг УБЦТС ТӨХК-д хүлээлгэн өгөх иргэн, аж ахуйн нэгжийн хүсэлтийг хүлээн авч, шийдвэрлэнэ

УБЦТС ТӨХК-ийн үндсэн хөрөнгөд шилжүүлсэн, шилжүүлэхээр материалаа бүрдүүлж өгсөн байх
Хүсэлт гаргаж буй аж ахуйн нэгж, иргэн нь техникийн нөхцлийн дагуу хийж гүйцэтгэсэн хуваарилах байгууламж, дэд станц, цахилгаан дамжуулах кабель болон агаарын шугам, бусад цахилгаан тоноглолыг УБЦТС ТӨХК-ийн үндсэн хөрөнгөд шилжүүлсэн эсвэл шилжүүлэхээр тус компанийн Технологи холболтын албанд  материалаа бүрдүүлж өгсөн байна.
Эсвэл УБЦТС ТӨХК-ийн харъяа Түгээх төвтэй ашиглалт үйлчилгээний гэрээ хийсэн байх
Хүсэлт гаргаж буй аж ахуйн нэгж, иргэн нь техникийн нөхцлийн дагуу хийж гүйцэтгэсэн хуваарилах байгууламж, дэд станц, цахилгаан дамжуулах кабель болон агаарын шугам, бусад цахилгаан тоноглолыг орон сууцны хороолол болон хотхоныг барьж дуустал УБЦТС ТӨХК-ийн үндсэн хөрөнгөд шилжүүлж өгөхгүй тохиолдолд эзэмшигч нь тус компанийн харъяа Түгээх төвтэй ашиглалт үйлчилгээний гэрээ хийж, эзэмшил ашиглалтыг тодорхой болгосон байна
1. Борлуулалт хүлээлгэн өгөх аж ахуйн нэгж, иргэний хүсэлт
Орон сууцны байрны айл өрхийн цахилгаан эрчим хүчний борлуулалтыг УБЦТС ТӨХК-д хүлээлгэн өгөх аж ахуйн нэгж, иргэний хүсэлт, албан бичиг.  Албан бичиг, хүсэлтийн загвар /татаж авах/

2. Техникийн нөхцлийн хуулбар
УБЦТС ТӨХК-иас олгосон цахилгаан шугам сүлжээнд холбогдох техникийн нөхцлийн хуулбар.
 
3. Улсын комиссын актын хуулбар
Барилга байгууламжийг ашиглалтад оруулах улсын комиссын актын хуулбар. 
 
4. Нийтийн эзэмшлийн орц, шат, талбай, гараж, подвалын цахилгаан эрчим хүчний тооцоог хариуцах иргэн, аж ахуйн нэгжийн албан бичиг
Тухайн байрны нийтийн эзэмшлийн орц, шат, талбай, гараж, подвалын цахилгаан эрчим хүчний төлбөр тооцоог хариуцах Сууц өмчлөгчийн холбооны албан бичиг. Хэрэв сууц өмчлөгчийн холбоо албан ёсоор байгуулагдаагүй бол дээрх тооцоог хариуцах иргэн, аж ахуйн нэгж байгууллагын албан бичиг. /Иргэн хариуцах бол бичгийг иргэний үнэмлэхний хуулбарын хамт нотариатаар баталгаажуулна/ 
 
5. Ялтсан бойлерын цахилгаан эрчим хүчний тооцоог хариуцах иргэн, аж ахуйн нэгжийн албан бичиг
Дулааны ялтсан бойлертой бол ялтсан бойлерын цахилгаан эрчим хүчний тооцоог хариуцах ОСНАА-н конторын албан бичиг. Хэрэв конторт хүлээлгэж өгөөгүй бол дээрх тооцоог хариуцах иргэн, аж ахуйн нэгж байгууллагын албан бичиг. /Иргэн хариуцах бол бичгийг иргэний үнэмлэхний хуулбарын хамт нотариатаар баталгаажуулна/ 
 
6. Дэд станц болон барилгын 0.4 кВ-ийн кабель шугам, бусад цахилгаан тоноглолын ашиглалтыг хариуцах тухай албан бичиг
  • Дэд станц болон барилгын 0.4 кВ-ийн кабель шугам болон бусад цахилгаан тоноглолын ашиглалтыг УБЦТС ТӨХК-ийн үндсэн хөрөнгөд шилжүүлэхээр материалаа бүрдүүлж өгсөн бол холбогдох шийдвэр гарах хүртэл хугацаанд цахилгаан тоноглолын ашиглалтыг хариуцах тухай иргэн, аж ахуйн нэгж байгууллагын албан бичиг. /Иргэн хариуцах бол бичгийг иргэний үнэмлэхний хуулбарын хамт нотариатаар баталгаажуулна/
  • Хэрэв орон сууцны барилгын цахилгаан хангамж нь хувийн дэд станцаас тэжээлтэй, тухайн дэд станцын ашиглалтыг УБЦТС ТӨХК-д хүлээлгэж өгөөгүй бол ашиглалтыг хариуцах иргэн, аж ахуйн нэгж байгууллагын албан бичиг. /Иргэн хариуцах бол бичгийг иргэний үнэмлэхний хуулбарын хамт нотариатаар баталгаажуулна/ 

Албан бичгийн загвар /Татаж авах/

УБЦТС ТӨХК-ийн Борлуулалтын бодлогын хэлтсийн ажилтан материалуудыгхолбогдох журмын дагуусудалж, борлуулалтыг хүлээн авах шийдвэрийг гаргуулан “Шийдвэр хүргүүлэх тухай” албан тоотыг хүсэлт гаргагчид болон харъяа Хэрэглэгчдэд үйлчлэх төвд хүргүүлнэ. 

Хэрэглэгчдэд үйлчлэх төвийн Хүлээн авах танхимын мэргэжилтэн тоолуур хэмжих хэрэгсэл хүлээлцэх маягт болон холбогдох мэдээлэл, материалуудыг үндэслэн “Цахилгаан эрчим хүчээр хангах гэрээ” байгуулна.

“Цахилгаан эрчим хүчээр хангах гэрээ” байгуулахад холбогдох материал:

  1. Үл хөдлөх хөрөнгийн гэрчилгээ.
  2. Хэрэв үл хөдлөх хөрөнгийн гэрчилгээ банкны барьцаанд байгаа бол банкны зээлийн гэрээний хуулбар/
  3. Иргэний үнэмлэхний хуулбар
  4. Тоолуурын гэрчилгээний хуулбар

Sidebar Menu